watermark logo

Digər Videolar

Anar Mədətov kimə söz atdı? - "Pulu da batır"
24 Jun 2020
Anar Mədətov kimə söz atdı? - "Pulu da batır"
Yeni Çağ Media Qrupu · 9212 Baxış

"Bu dünyada tək qalsam belə, yenə Azərbaycan üçün mübarizə aparacağam"... - Mətin Özər

 3414 Baxış

Azərbaycanın Türkiyədəki alovlu təbliğatçısı, Azərbaycan diasporasının aktiv üzvü Mətin Özər Yeniçağ.Az-ın qonağı olub.

-Mətin bəy, uzun müddət idi ki, Azərbaycana gəlmirdiniz, bu ziyarətinizin məqsədi nədir?

-İlk dəfə Azərbaycana 5 iyun 2011-ci ildə Dünya Azərbaycanlıların III Qurultayı üçün gəlmişdim. O zamanlar İstanbulda fəaliyyət göstərən Türkiyə-Azərbaycan dərnəklərinin birində sədr müavini idim, həm də federasiyada üzv idim. O zaman cənab Prezidentin əmri ilə biz dəvət edilmişdik. Aradan altı il keçdi, mən yenə də gəldim. Burada olduğum üçün çox şadam.

-Diasporadakı fəaliyyətiniz nədən ibarətdir?

– Türkiyənin fərqli bölgələrində İzmirdə, İstanbulda, Balıkəsirdə və s. Türkiyə-Azərbaycan dərnəklərimiz var. Maltəpədə Türkiyə-Azərbaycan Həmrəylik dərnəyi var, onun da qurucusu Azərbaycan türküdür. Onlar 170 il bundan əvvəl Şuşadan Ərzurumun Xorasan bölgəsinə köçüblər. Onlar məni də dərnəyə dəvət etdilər, mən də bu dərnəyə üzv oldum, daha sonra isə sədr müavini vəzifəsinə keçdim. Həmin zaman dərnəyin tabe olduğu federasiyaya da çağırıldım. Orada çalışdığım vaxt isə Azərbaycanın səsi olacaq bir jurnal çap etdirdik. Azərbaycanın birinci məsələsi Qarabağdır, Xocalı soyqırımıdır, bu soyqırımı dünyada və Türkiyədə tanıtmaqdır. Getdikcə bu cür dərnəklərin sayı da artır. Bütün bu dərnəklər işğal edilmiş Azərbaycan torpaqlarının geri qaytarılmasını ürəkdən istəyir və ümid edirik ki, bu istək qələbə ilə nəticələnəcək.

– Uzun illərdir Türkiyədə Azərbaycanı tanıtmaqla məşğulsunuz, bu işinizdə hansı nəticələri əldə etmisiniz?

– Biz hər il Xocalı soyqırımını qeyd edirik, bundan əlavə də bizim bu mövzuda bir çox yayımlarımız olub. Həmçinin bizim belə bir layihəmiz var idi ki, bir maşınımız olsun, getdiyimiz bölgələrdə Azərbaycana aid videolar yayımlayaq, Azərbaycanı tanıdaq. Lakin bunun üçün çox miqdarda pul lazım olduğu üçün bu layihəni həyata keçirə bilmədik. Bunu da qeyd etmək lazımdır ki, sadəcə bu dərnəklərin fəaliyyəti ilə böyük bir nəticə əldə etmək olmaz. Bizdə belə bir deyim var: “çam saqqızı, çoban ərməğanı”. Bizim də bu sahədə işlərimiz məhz belədir. Biz heç vaxt susmayacağıq. Artıq 25 ildir ki, bütün sözlər deyilib. Sözlərin bitdiyi bir nöqtədəyik. Azərbaycan ordusu artıq çox güclüdür, Azərbaycan xalqı da mübarizəyə tam hazırdır. Mən belə hesab edirəm ki, Qarabağ məsələsi bütün türk dünyasının problemidir. Hamı sussa da, biz susmamalıyıq. Ermənilər Xocalıda olduğu kimi, mənim doğulduğum Ərzurum bölgəsində, həmçinin Adanada və digər bölgələrdə də qətliamlar törədiblər. Bunları unutmayacağıq. Təbii ki, bu barədə siyasilər daha çox düşünür və müəyyən işlər görürlər. Ancaq biz də xalq olaraq hər zaman dəstəyimizi ifadə edəcəyik. Mən bu dünyada tək qalsam belə, yenə Qarabağ üçün, Azərbaycan üçün mübarizə aparacağam.

– Deyirsiniz ki, Xocalı soyqırımı dünyaya çatdırılsaydı, digər qətliamlar olmazdı, sizcə Xocalı yetərincə təbliğ olunmayıbmı?

-Biz təbliğ etdik. Azərbaycan höküməti də bu məsələni dünyaya çatdırmaq üçün əlindən gələni etdi. Xocalıda şəhid olmuş 5 yaşlı qız uşağının şəkli var, ermənilər tərəfindən qətlə yetirilmiş qocaların fotoları var. Bunların intiqamı alınmalıdır. Xəzəngül adlı bir qız tanıyıram, hazırda da Türkiyədə yaşayır. Onun gözünün qarşısında atasının üstünə benzin töküb yandırıblar. Bu cür vəhşilik nəyə gərəkdir? Bunun səbəbi nə ola bilər ki? Biz bir qarışqanı incidə bilmirik, bunlar isə bu qədər böyük bir vəhşilik törədir. Bu, sadəcə vandalizmdir. Ərzurumda, İğdırda toplu məzarlar tapılıb: öldürülənlərin hamısı türk idi. Ordu orduyla müharibə edə bilər, ancaq bir döyüşdə uşaqlar, yaşlılar, qadınlar öldürülməməlidir. Döyüşdə kimin hərbi gücü çoxdursa, o qalib gəlməlidir. Amma Qarabağda insaniyyətdən kənar o qədər əməllər törədilib ki… Çirkin siyasi gedişlərlə bu prosesin bizim xeyrimizə nəticələnməsinə imkan vermirlər.

– Siyasi oyunlar dedikdə nələri nəzərdə tutursunuz?

-Birinci məsələ budur ki, Fransanın bir erməni hamisi olduğunu bilirik. Onların ermənilərə yardım etdiklərini də bilirik. Amerikada da güclü bir erməni lobbisi var. Təbii ki, 366-cı motoatıcı alayla ermənilərə dəstək verən Rusiyanı da yaddan çıxara bilmərik. Bu gün Rusiya istəsə, onlara hər cür əmri verə bilər. Bu gün görürük ki, Azərbaycan torpaqlarının arasında Ermənistan dövləti var. Naxçıvan və digər torpaqları ayıran bir xəncər görürük, onlar oraya özbaşına gəlməyiblər, onları oraya gətiriblər. Bunu tarixdən də yaxşı bilirik, ermənilər I Pyotra gedib deyiblər ki, hamının özünə aid bir torpağı var bizim isə yoxdur. Çarın da onlara yazığı gəlib. Çardan sonra da bu siyasət davam etdirilib.

Rusların ancaq bir siyasəti var: döyüş, parçala, hökm et. Ermənistan sadəcə, Azərbaycan və Türkiyədə qətliam etməyib, həm də son illərdəki araşdırmalarıma görə, onlar Özbəkistanın Fərqanə vadisində də dəhşətli bir qırğın törədiblər. Gəlin soruşaq onlardan, sizin Özbəkistanda nə işiniz var? Sizin Türkiyədə, Azərbaycanda insanları qətl etməkdə məqsədiniz nədir? Mən bir şəhid nəvəsiyəm, mənim babam da 16 erməni tərəfindən şəhid edilib. Bəs o insan deyildimi, 6 uşağı atasız qoydular. Mənim fikrimcə, diasporanın işi bitib, artıq Azərbaycan özü-öz iradəsiylə torpaqlarını geri qaytarmaq istəyərsə, Türkiyədəki qardaşları canla-başla dəstək olacaq. İllərdir biz fəaliyyət göstəririk, məncə artıq torpaqların geri qaytarılmasının vaxtıdır.

-Siz həm də ədəbi mühitdə olan bir insanız, yəni şairsiniz, istəyərdik bir az da bu haqda danışasınız.

-Bəli, mən ədəbiyyat müəllimiyəm, həm də şeir yazıram. 18 yaşımda müəllim olmuşam, daha sonra Türk dili və Ədəbiyyatı fakültəsini bitirdim, direktor kimi çalışdım, sonra təhsil şöbəsində köməkçi olaraq çalışdım, daha sonra isə şöbə müdiri oldum. Bundan əlavə Almaniyada Ştutqart şəhərində koordinator vəzifəsində çalışdım. Ölkəyə geri qayıdanda isə 28 illik əməyimin qarşılığı olaraq təqaüdə çıxdım. Ancaq bu illər ərzində həmişə şeirlər yazdım. Əsasən milli ruhlu şeirlər yazdım, həm də Azərbaycan dilindən Türkiyə türkcəsinə tərcümələr etdim. Elmlər Akademiyasının dos.dr Esmira Şükürovanın “Söz sərrafı Şəhriyar” kitabını “Məmmədhüseyn Şəhriyar” adı ilə tərcümə etdim. Mən Şəhriyarı 14 yaşımda ikən “Heydər babaya salam” şeiri ilə tanımışdım. Çox şadam ki, bu kitabı tərcümə etmişəm.

– Mətin bəy, sizin Ali Baş Komandanımıza yazdığınız bir şeir də var.

– Mən o şeiri Azərbaycan ordusuna ithaf etmişəm. Şeirin adı belədir: “Yaşa, ey Azərbaycan”. Çox sevilən bir şeirimdir. İstəyirsinizsə sizə də bir parça oxuyum:

Yaşa, ey Azərbaycan,
Hər oğulun əsgər doğar anadan
Millət, dövlət ayrı olmaz vatandan,
Qüdrət vermiş sənə uca Yaradan,
Yaşa əbədi müddət, ey Azərbaycan!

Keçsə də min illər, nə qan nə kədər,
Bu millət həyatdan ölümü seçər
İstiqlal uğrunda canından keçər
Yaşa bayrağınla, ey Azərbaycan!

Link: https://yenicag.az/bu-dunyada-....tek-qalsam-bele-yene

Daha ətraflı
Facebook Şərhləri

Digər Videolar

Anar Mədətov kimə söz atdı? - "Pulu da batır"
24 Jun 2020
Anar Mədətov kimə söz atdı? - "Pulu da batır"
Yeni Çağ Media Qrupu · 9212 Baxış