watermark logo

Digər Videolar

“Nəsimi ili”nə töhfə: Böyük şair haqqında yeni kitab təqdim olundu
06 Jul 2019
“Nəsimi ili”nə töhfə: Böyük şair haqqında yeni kitab təqdim olundu
Yeni Çağ Media Qrupu · 59 Baxış

Deputatların “Şah İsmayıl mübahisəsi”ndə YENİ PƏRDƏ: Qarşılıqlı ittihamlar getdikcə sərtləşir

 40 Baxış

“Görünür, Fərəc Quliyev də, Fəzail Ağamalı da Məhəmməd Əmin Rəsulzadə, Əhməd Ağaoğlu və digər böyüklərimizin əsərlərini oxumayıblar”.

“Axı sən hansı məntiqlə türklərin qurduğu və hakim olduğu Səfəvi İmperiyası illə müasir İranı müqayisə edərək, onları eyniləşdirirsən?”

Yenicag.az xəbər verir ki, millət vəkili Fazil Mustafanın Şah İsmayıl Xətai barəsində səsləndirdiyi növbəti tənqidi fikirlər bu həssas mövzu ətrafında yenidən canlanmaya səbəb olub. Deputatın vurğulanan fikirlərinə reaksiya verən millət vəkilləri Fəzail Ağamalı ilə Fərəc Quliyev musavat.com-a açıqlamalarında Şah İsmayıl Xətaiyə yönəlik hücumları və onun fəaliyyətinin təftiş edilməsini kəskin şəkildə pisləyərək, Fazil Mustafanı qərəzlilikdə suçlayıblar. Həmkarlarının bu tənqidlərinə sosial şəbəkə vasitəsilə münasibət bildirən Fazil Mustafa isə adları çəkilən millət vəkillərini “bəsirətsizlik”də ittiham edib. Tərəflərin qarşılıqlı ittihamlarından görünən budur ki, zaman-zaman gündəmə gətirilən bu mövzu ətrafında fəallıq hələ bir müddət səngiməyəcək.

Fəzail Ağamalı ilə Fərəc Quliyevi “bəsirətsizlik”də suçlayan Fazil Mustafa Yenicag.az-a açıqlamasında bildirib ki, ona ünvanlanan ittihamları belə kəskin formada cavablandırması üçün əsası var: “Fəzail Ağamalı tarixi bilgilərimin az olduğunu söyləməklə, daha bir gülünc iddia ilə çıxış edib. Azərbaycanda tarixin evi ona görə yıxılıb ki, tarixi hər zaman tarixçilər yazıblar. Ona görə də indiyə kimi dünya miqyasına çıxarılası bir tarixçi və tarixi əsərimiz yoxdur. Onun bəsirətsizliyi haqda dediklərimə gəldikdə isə Fəzail Ağamalı da, digərləri də bilməlidirlər ki, mənim şəxsi fikrimi müstəqil şəkildə ifadə etməyimə heç kim qarışa bilməz. O da öz fikrini və etirazını müstəqil formada ifadə edə bilər. Fərəc Quliyevin barəmdə söylədikləri isə populizmdən başqa bir şey deyil və əslində, toplumun çox hissəsinin xoşuna gəlməyə hesablanmış fikirlərdir. Mən sadəcə, kiməsə “Şah İsmayıl” ordeni verilməsinin əleyhinəyəm. Bu, mənim fikrimdi. Sən də bunun lehinə, yaxud əleyhinəsənsə, öz fikrini de, vəssalam. Mənim kiminsə, inancına, təriqətinə qarışmaq fikrim yoxdur. Görünür, Fərəc Quliyev də, Fəzail Ağamalı da Məhəmməd Əmin Rəsulzadə, Əhməd Ağaoğlu və digər böyüklərimizin əsərlərini oxumayıblar. Mən məhz bu böyüklərimizin fikirlərinə istinad edirəm. Onlar isə həmin şəxsiyyətləri böyük kimi qəbul etsələr də, fikirlərinin əksinə çıxaraq, özləri özlərini təkzib edirlər.
Çox təəssüf ki, mənim tarixdən məlumatsız olduğumu iddia edənlərin təfəkkürü XVIII əsrdə məzhəbçiliyi aradan qaldırmaq isətəyən Nadir Şahın təfəkküründən çox-çox aşağıdır”.

Yenicag.az-a açıqlamasında Fazil Mustafanın məlum polemikanın davamında onu savadsızlıqda suçlamasına münasibət bildirən millət vəkili Fəzail Ağamalı deputat həmkarını qərəzli olmaqda və məntiqsizlikdə ittiham edib: “Bu məsələ ilə bağlı mövqeyimi dəfələrlə bildirmişəm və bir daha təkrar edirəm ki, Fazil Mustafanın, yaxud da başqalarının təriqətçi təfəkkürün təsiri altında vahid Azərbaycan dövlətinin banisi olan Şah İsmayıl Xətaiyə qarşı hücumları yolverilməzdir. Tarixçi olmayan, bu işin metodoligiyasını bilməyən Fazil Mustafa bu mövqeyi ilə Azərbaycan tarixindən, o cümlədən tariximizin Şah İsmayıl dönəmini və həmin dövrün böyük əhəmiyyətə malik hadisələrindən xəbərsiz olduğunu nümayiş etdirir. Şah İsmayıl dövrünün tarixi reallıqlarına göstərdiyi münasibət Fazil Mustafanın qərəzli olmasından xəbər verir. Axı sən hansı məntiqlə türklərin qurduğu və hakim olduğu Səfəvi İmperiyası illə müasir İranı müqayisə edərək, onları eyniləşdirirsən? Dediyim kimi, bu barədə çox danışdığım üçün təkrara varmaq istəmirəm. Ancaq bir daha bildirirəm ki, Fazil Mustafanın iddiaları əsassız olduğu qədər də yersizdir”.

Firuz Asanov

Daha ətraflı
Facebook Şərhləri

Digər Videolar

“Nəsimi ili”nə töhfə: Böyük şair haqqında yeni kitab təqdim olundu
06 Jul 2019
“Nəsimi ili”nə töhfə: Böyük şair haqqında yeni kitab təqdim olundu
Yeni Çağ Media Qrupu · 59 Baxış